“Çinşünas” mənasında sinoloq sözü işlədilir. Apelsin sözü “Çin alması” deməkdir, yəni çin əvəzinə, sin sözünün işlədilmə halları var. Güman edirəm ki, sinov getmək elə “Çinə getmək” deməkdir, yəni bir şeyi çox arzuladıqda onun ardınca uzaq yerlərə (hətta Çinə) belə getməyə hazır olmaq əlaməti kimi işlədilir. Sin sözünün bir mənası da “komponent” deməkdir. Sinov getmək sanki orqanizmin hansı üzvünüsə itirmək və arzulamaq kimi də yozula bilər. Birinci yozum daha etibarlıdır, çünki tərkibində getmək sözü var. Peyğəmbərimiz deyib: “Elm dalınca Çinə də getmək olar”. Deməli, Çinə getmək məhz “uzağa getmək”dir. (Bəşir Əhmədov. Etimologiya lüğəti)
